74 Poet. Lat. Min. iv, ed. Baehrens. Inveniet quod quisque velit: non omnibus unum est quod placet: hic spinas colligit, ille rosas. 75 P.L.M. Iam nunc algentes autumnus fecerat umbras atque hiemem tepidis spectabat Phoebus habenis, iam platanus iactare comas, iam coeperat uvas adnumerare suas defecto palmite vitis: ante oculos stabat quidquid promiserat annus. 76 P.L.M. Primus in orbe deos fecit timor, ardua caelo fulmina cum caderent discussaque moenia flammis atque ictus flagraret Athos; mox Phoebus ab ortu lustrata deuectus humo, Lunaeque senectus et reparatus honos; hinc signa effusa per orbem et permutatis disiunctus mensibus annus. Profecit vitium iamque error iussit inanis agricolas primos Cereri dare messis honores, palmitibus plenis Bacchum vincire, Palemque pastorum gaudere manu; natat obrutus omnis Neptunus demersus aqua; Pallasque tabernas vindicat; et voti reus et qui vendidit orbem, iam sibi quisque deos avido certamine fingit. 77 P.L.M. Nolo ego semper idem capiti suffundere costum nec noto stomachum conciliare mero. Taurus amat gramen mutata carpere valle et fera mutatis sustinet ora cibis. Ipsa dies ideo nos grato perluit haustu, quod permutatis hora recurrit equis. 78 P.L.M. Uxor, legis onus, debet quasi census amari. nec censum vellem semper amare meum. 79 P.L.M. Linque tuas sedes alienaque litora quaere, O iuvenis: maior rerum tibi nascitur ordo. Ne succumbe malis: te noverit ultimus Hister, te Boreas gelidus securaque regna Canopi, quique renascentem Phoebum cernuntque cadentem: maior in externas fit qui descendit harenas. 80 P.L.M. Nam nihil est, quod non mortalibus afferat usum; rebus in adversis quae iacuere iuvant. Sic rate demersa fulvum deponderat aurum, remorum levitas naufraga membra vehit.Cum sonuere tubae, iugulo stat divite ferrum barbaricum: tenuis praebia pannus habet. 81 P.L.M. Parvula securo tegitur mihi culmine sedes uvaque plena mero fecunda pendet ab ulmo. Dant rami cerasos, dant mala rubentia silvae, Palladiumque nemus pingui se vertice frangit. Iam qua diductos potat levis area fontes, Corycium milli surgit olus maluaeque supinae et non sollicitos missura papavera somnos. Praeterea sive alitibus contexere fraudem seu magis imbelles libuit circumdare cervos aut tereti lino pavidum subducere piscem, hos tantum novere dolos mea sordida rura. I nunc et vitae fugientis tempora vende divitibus cenis. Me si manet exitus idem, hic precor inveniat consumptaque tempora poscat. 82 P.L.M. Non satis est quod nos mergit furiosa iuventus transversosque rapit fama sepulta probris? En etiamfamuli cognataque faece caterva inter conrasas luxuriantur opes. Vilis servus habet regni bona, cellaque capti deridet Vestam Romuleamque casam. Idcirco virtus medio iacet obruta caeno, nequitiae classes candida vela ferunt. 83 P.L.M. Sic et membra solent auras includere ventris, quae penitus mersae cum rursus abire laborant, verberibus rimantur iter; nec desinit ante frigidus, adstrictis qui regnat in ossibus, horror quam tepidus laxo manavit corpore sudor. 84 P.L.M. O litus vita mihi dulcius, o mare! felix cui licet ad terras ire subinde meas! O formosa dies! hoc quondam rure solebam Naiadas alterna sollicitare manu! Hic fontis lacus est, illic sinus egerit algas: haec statio est tacitis fida cupidinibus. Pervixi; neque enim fortuna malignior unquam eripiet nobis quod prior hora dedit. 85 P.L.M. Haec ait et tremulo deduxit vertice canos consecuitque genas;oculis nec defuit imber, sed qualis rapitur per vallis improbus amnis, cum gelidae periere nives et languidus auster non patitur glaciem resoluta vivere terra, gurgite sic pleno facies manavit et alto insonuit gemitu turbato murmure pectus. 86 P.L.M. Nam citius flammas mortales ore tenebunt quam secreta tegant. Quicquid dimittis in aula, effluit et subitis rumoribus oppida pulsat. Nec satis est vulgasse fidem. Cumulatius exit proditionis opus famamque onerare laborat. Sic commissa verens avidus reserare minister fodit humum regisque latentes prodidit aures. Concepit nam terra sonos calamique loquentes incinuere Midam, qualem narraverat index. 87 P.L.M. Illic alternis depugnat pontus et aer, hic rivo tenui pervia ridet humus. Illic demersas complorat navita puppes, hic pastor miti perluit amne pecus. Illic immanes mors obdita solvit hiatus, hic gaudet curva falce recisa Ceres. Illic inter aquas urit sitis arida fauces, hic data periuro basia multa viro. Naviget et fluctus lasset mendicus Vlixes, in terris vivet candida Penelope. 88 P.L.M. Qui nolit properare mori nec cogere fata mollia praecipiti rumpere fila manu, hactenus irarum mare noverit. Ecce refuso gurgite securos obluit unda pedes. Ecce inter virides iactatur mytilus algas et rauco trahitur lubrica concha sinu. Ecce recurrentes qua versat fluctus arenas, discolor attrita calculus exit humo. Haec quisquis calcare potest, in litore tuto ludat et hoc solum iudicet esse mare. 89 P.L.M. Non est forma satis nec quae vult bella videri debet vulgari more placere sibi. Dicta, sales, lusus, sermonis gratia, risus vincunt naturae candidioris opus. Condit enim formam quicquid consumitur artis, et nisi velle subest, gratia nuda perit. 90 P.L.M. Sic contra rerum naturae munera notae corvus maturis frugibus ova refert.